La Oficialización de les seleiciones deportives asturianes y la so normalización

Les organizaciones polítiques Darréu y Fai! pretenden amosar el so descontentu a causa de l'ausencia, un añu más, del partíu de navidá que debiera xugar la Seleición Asturiana de Fúbol. Ya van 8 años dende aquel últimu partíu n'Avilés ensín ver al conxuntu nacional. Recordar que tanto nel añu 2000, nel Estadiu Carlos Tartiere, como nel siguiente, nel Estadiu d'El Molinón, l'eventu vendió cuasi toles entraes, enllenandose dambos campos, los cualos gocien d'un aforu pergrande. L'últimu, nel Estadiu Suárez Puerta d'Avilés, tamién foi un ésitu en cuantu a asistencia d'hinches asturianos se refier.
Paez-yos qu'entamar de nuevu un partíu amistosu con otra seleición nacional sedría un ésitu sinificatible. La ciudadanía asturiana tien ganes de ver xugar a la seleición del so País y económicamente sedría un ésitu que podía ayudar al fúbol asturianu, sobremanera a les categories de mozos y moces, qu'anguañu viven munches dificultaes. Nun debemos escaecer que la crisis capitalista tamién pasa factura a los clubes deportivos más modestos.
Asina señalen al Gobiernu del Principáu d'Asturies y a la Real Federación Asturiana de Fúbol como responsables d'esti murniu panorama pal fúbol asturianu y los sos seguidores. La ñegativa constante de nun dexar xugar al equipu asturianu nun ye por más razones que marxinar cualesquier síntoma del fechu nacional asturianu y, asina de pasu, finar cola nuesa hestoria ya identidá. Tienen noxu a tolo que güela a asturianu.

Énte esti despreciu al nuesu deporte, dende les sos organizaciones a les que xúnese Asturiesesconsona sofiten la oficialización de les seleiciones deportives asturianes y la so normalización, con unes federaciones que seyan consecuentes cola defensa de los intereses del deporte del País y que nun tean en manes del Réxime españolista del PSOE-IU-PP. (Darréu y FAI!, 2010)
¡ Una nación, una seleición !
¡ Oficilidá de les seleiciones deportives asturianes !

Dende la plataforma ciudadana y soberanista " Democracia p'Asturies" anunciamos l'actu que se va cellebrar esti vienres 17 d'avientu n'Uviéu. A partir de les 18:30 hores nel llocal de la Corriente Sindical d'Izquierda n'Uviéu dellos/es ciudadanos/es vamos entamar una charra-alderique alredor de la Constitución española y como afeuta a Asturies esti modelu d' Estáu español y supuesta democracia.

L'actu, que va tar moderáu por Javier Cubero va cuntar con tres ponentes: Nacho González, por parte del Bloque por Asturies, Iván Martínez, militante d'Andecha Astur y Fonsu Suárez, militante de la organización Fai!. Dende " Democracia p'Asturies" queremos da-yos les gracies a los ponentes por participar na charra ya interesante.

Convidamos a tolos ciudadanos interesaos a acudir a l'actu y dar la so visión sobre como afeuta la Constitución del Reinu d'España al desendolcamientu del nuesu país, a sentir les opiniones de los representantes d'estes organizaciones polítiques y a dar suxerencies a les mesmes, como tamién a la plataforma democrática. Ta tola xente convidada.

Cena solidaria de SOFITU

El Muerganu Antirrepresivu Popular Sofitu convoca pal Sabadu 11 d'Avientu una cena solidaria pa siguir faciendo frente al pagu de multes, gastos xudiciales y campañes que nel añu qu'acaba foron pergrandes. Ente otres coses desarrollen campañes en defensa del mozu acusáu de "ciberterrorismu", l'acusada d'agredir a Areces o la detenida nun actu d'UPyD. Amás tuvimos xuicios escontra un miembru de la policia española d'idoloxía ne...onazi qu'acosa a mozos uvieínos o ficimos frente al pagu de multes, dellos miles d'euros, a persones a lo llargu l'añu.
Por ello, y pa nun aparar de facelo, entamen estos actos politico-festivos que, cola edición de material, mos aíden a facer frente a la represión institucional ya al que toos y toes deberiemos dir.
El menú pa la cena del sabadu 11 d'Avientu ye de: Ensalaes variaes, tapes (chorizu a la sidra, matachana...), tortos de picadiellu, postres caseros y sidra por namás 10 euros.
Como ye vezu el llugar escoyíu ye'l Centru Social Sestaferia, cerca de la estación de cercanies de Xixón, y la hora escoyía ye les 20 hores.
.

Conciertu, güei Vienres 3 d'Avientu

Güei conciertu de Hardcore y RAP nel Llar de Keko na Felguera (Llangréu) A partir de les 19:00H.
Los grupos que van facer presencia son:
I.R.A (Hardcore-Asturies) Y
WANYE Y GORY- MAFIA NEGRA RECORDS (RAP)
La entrada ye de baldre.

GÜEI, VIENRES 3 d'Avientu

Manifestación esti vienres 3 d’Avientu a les 19h. pola readmisión de los 20 bomberos despedíos.
El comité de Bomberos d’Asturies en llucha convoca una manifestación pa reivindicar la realmisión de los 20 bomberos y bomberes despidíes. Sal a les 19h. de la Estación de Renfe d’Uviéu y ta sofitada tamién polos sindicatos CSI, UGT, CCOO, CSIF Y USIPA.
El retayu produzse nuna plantiya que cunta con 384 emplegaos -de los que menos de 200 son bomberos- y que l’añu pasáu tuvieron que facer 22.000 hores extra por falta de personal.

¿Vas aguantar otra vuelta de tuerca?

Los sindicatos CSI, CGT, SUATEA y SF convoquen una manifestación en Xixón el 1 d'avientu contra'l plan d'axuste del gobiernu español.
Col llema ¿Vas aguantar otra vuelta tuerca? dellos sindicatos convoquen una nueva movilización escontra los recortes sociales de Zapater. Asturies avanza hacia les 100.000 persones paraes y "ye'l momentu de recuperar les llaves del nuesu futuru". EL 1 d'avientu na manifestación, con salida na Plaza l'Humedal de Xixón a les 19:30 hores, va vindicase, ente otres cuestiones, un emplegu estable y dignu, renta básica universal, repartu del emplegu o la prohibición de faer hores.
MANIFIESTU DE LA CONVOCATORIA
Asturies avanza hacia los 100.000 paraos y paraes, mientres que l’Estáu español acércase a los 5 millones. El 40 % de la mocedá y, polo menos, el 30 % de les muyeres ta nel paru. Cola reforma llaboral y los recortes sociales, el gobiernu abarata y facilita’l despidu, baxa los sueldos, favorez l’emplegu temporal y precariu, empeora les condiciones llaborales y dexa nel paru a los y les trabayadores.
El 72 % de los y les pensionistes cobren menos de 1.000 €. El 58,5 % (más de la metá) cobren menos de 600 €. Quieren aumentar a venti’l númberu d’años de cotización pal cálculu de les pensiones (fálase, incluso, de tola vida llaboral). Quieren aumentar, tamién, el númberu d’años de cotización p’algamar la pensión contributiva (actualmente 15 años). Aumenta a cuarenta’l númberu d’años p’algamar el 100 % de la pensión (actualmente 35 años). Xuben la edá de xubilación a los 67 años.

Con too ello, la cuantía de les pensiones reduzse un 5 % de media. El gobiernu plantega recortes sociales pa faer “un plan d’aforru énte la crisis”, pero regaló 150.000 millones d’euros a los bancos (los causantes verdaderos de la crisis). Énte esto, ye menester crear una banca pública qu’actúe como dinamizadora de la economía productiva y que ponga frenu a la fartonería de la banca privada, crear un impuestu nuevu sobre los beneficios bancarios, eliminar les SICAVS (ún de los abellugos de les grandes fortunes que, por una bula del gobiernu, coticen al 1 % en vez d’al 35 %) y gravar toa operación financiera con destín a un paraísu fiscal o que nun tenga una fin productiva.
El gobiernu sigue ensin poner frenu a un fraude fiscal que supón una estafa superior al 30 % de lo recaudao por Facienda. Ye menester un plan de llucha escontra esti fraude fiscal y que pague más el que más tien. Por eso ye menester implantar un impuestu nuevu sobre los beneficios de les grandes empreses y multinacionales obligándoles a reinvertir el 50 % de los beneficios nel sitiu onde s’asienten les plantes.
Ye imprescindible la creación d’un fondu de reserves financieres, a cargu de les organizaciones empresariales, pa financiar les empreses en crisis o en quiebra. Cuando consiguieron beneficios multimillonarios lleváronlos a paraísos fiscales; agora diben sirvir pa reflotar empreses. Tamién ye necesario llanzar un plan pa “sacar a flote” la economía somorguiada, que supón una bolsa de fraude (dineru negro) de más de 65.000 millones d’euros. Queremos que se pongan en práutica una serie de midíes que redistribuyan la riqueza y garanticen un nivel de vida dignu pa toes y toos:
- Emplegu estable y salariu dignu pa toes y toos.
- Renta básica universal. Drechos básicos (alimentos, salú, vivienda y educación) garantizaos pol Estáu. Paralización de los procesos d’embargu y desahuciu a los y les trabayadores en situación de precariedá o desemplegu.
- Repartu del emplegu: reducción de la xornada llaboral ensin perda de salariu.
- Prohibición de faer hores. Trabayar toes y toos pa trabayar menos.

 (Infoasturies.net)

Conciertu Hardcore

Dende la Ochobre Hardcore Crew (OHC) organicen un conciertu que va ser de la man de The Baseball Furies (banda hardcore asturiana con ñembros de Thunderducks; www.myspace.com/thebaseballfurieshc) y Brutus (paleocore dende Grau; www.myspace.com/paleocorebrutus).
Va ser el sábadu 6 de payares a les 21:00 en La Calleja la Ciega (Uviéu) por 3€ na puerta'l chigre.
Tamién va haber una pinchada con hardcore nacional ya internacional: Adizion Etílika, Escuela de Odio, Strangis Guajes, Misfits, Black Flag, Minor Threat, Madball, TRC... Presentarase, amás, el primer númberu del fancín en papel (estremáu del ezine), dafechu n'asturianu.

Manifestación contra los premios principiegos

Manifestamientu convocau pol ERA:

L'Ensame Republica Asturiana (ERA) convoca, como ya ye vezu, la manifestación añal contra los premios principiegos. Esti añu, p'afalar la participación cambiamos el formatu pasando del día enantes, un xueves llaboral pela tarde, al día dempués, sabadu al la una de la tarde.
Los premios principe, creaos por vieyos herederos del franquismu como Graciano García, que trabayó dende 1961 nel Órgano provincial de la Falange Española Tradicionalista y de las J.O.N.S conocíu güei como LA NUEVA ESPAÑA, Pedro Masavéu o el Xeneral del exercitu facista español Sabino Fdz. Campo nun intentu de llavase la cara y xustificar, y democratizar, una institución como la casa real que ye heredera del franquismu.
Pal pueblu asturianu ye una humildación qu'un titulu creáu pola corona de Castiella pa intentar calmar les continues revueltes n'Asturies por parte de nobles qu'intentaben crear, a imaxe de Portugal, un reinu independiente sía usáu güei pa xustificar el "cuadonguismu", la lleenda de que de Cuadonga naz el reinu d'españa. Ye una humildación que'l futuru rei d'españa porte'l nome de la nuesa nación. Ye una humildación que se presenten estos premios como populares cuando la presencia a los mesmos ta suxeta a invitación, invitación que nel casu de los empresarios que quieren codease cola "flor y nata" de la burguesía y de los politicos, paguen a 3000 euros l'asientu. Ye una humildación que l'ayuntamientu d'Uviéu que tién una delda de 140 millones d'euros, mas 41 millones de cinturón verde, gaste les perres en llimpiar a fondu la ciudá o contratar a grupos de baille tradicional pa dar a les cais un aspectu de solemnidá. Ye una humildación que la Fundación Principe, que nació con un presupuestu d'once millones de pesetes hai 30 años y agora manexe un presupuestu de 20 millones d'euros (3300 millones de pesetes) y se-y dean terrenos publicos n'Avilés pa la construcción de los sos chiringuitos. Ye una humildación que la cultura asturiana brille pola so ausencia, y que pa un premiu que repercute n'Asturies, el del pueblu exemplar, sía financiáu al 50% pol gobiernu d'Asturies y que'l mesmu fora creáu 10 años mas tarde pa llavase la cara ante los asturianos que daben la espalda a los premios.
Porque nun tamos pa mantener a families reales, porque tenemos derechu a decidir el nuesu futuru, porque LOS PPREMIOS PRINCIPE SON LA HUMILDACIÓN D'UN PUEBLU vos convocamos el sabadu 23 d'ochobre a les 13 hores na Estación del norte d'Uviéu a amosar el nuesu refugu.
PUXA ASTURIES REPUBLICANA, SOCIALISTA Y SOBERANA!

Xuntanza Solidaria-Sofitu

Concentración Vienres 15 d'ochobre a les 11:30H nos xulgaos d'Uvieu

El mueganismu antirrepresivu popular Sofitu fai un llamamientu a solidarizase cola militante independentista qu’a entamos d’añu foi denunciada pol partíu ultranacionalista español UPyD tres una charra de la so cabezalera Rosa Díez nel centru de prensa del diariu La Nueva España n’Uviéu. "Nesa charra, los únicos fechos qu’asocedieron, foi que la muyer agora xulgada foi sacada pola fuercia de la sala y entregada a los miembros de la policía española namás que por llevantar la mano pa facer una entruga que nun pudo nin entamar. Una vegada fuera la sala foi detenía y conducía a comisaría" esplica Sofitu.
Darréu de ser puesta en llibertá, pasa reconocimientu mélicu por mor de les mancadures que-y fixeran, y presenta una denuncia por estos fechos. Denuncia que nun foi aceutada pola xusticia española, que si lo fae cola presentada por UPyD.
"La denuncia de los ultres españoles, ye un montaxe políticu-policial que tien como fin volver a pasar de verdugos a victimes, y criminalizar, de pasu, a tolo que nun seya españolismu ranciu" denuncia la organización antirrepresiva. Asina, "nel so escritu mienten cuando dicen qu’unes venti persones taben insultándolos nel esterior pos la muyer foi sola al actu. Mienten cuando dicen que diba enfilada o drogada porque diba en perfeutu estáu. Mienten cuando dicen que los insultó y amenazó, porque nun la dexaron nin abrir la boca". A la fin, espliquen, "de too esto foron testigos los periodistes de los medios afines que cubrieron l’actu, y que nun asoleyaron nada de los supuestu incidente nes sos cróniques, porque namás que nun asocedió".
Por too esto, esti vienres habrá un xuiciu de faltes por “coaiciones” nos xulgaos d’Uviéu y dende Sofitu convócase una concentración a les 11:30 la mañana nos xulgaos d’Uviéu pa "solidarizase cola militante asturiana y denunciar a los nuevos faches que s’escuenden tres el nomáu estáu de drechu costitucionalista".
Fonte:asturies.com

Martes, 12 d'Ochobre a les 13:00H. (Pando, Llangréu)

Coincidiendo col aniversariu de la Revolución d’Ochobre de 1934, Andecha Astur va facer otru añu más un actu n’alcordanza de Belarmino Tomás Álvarez, militante socialista que presidió’l Conseyu d’Asturies y Lleón.
Coincidiendo col aniversariu de la Revolución d’Ochobre de 1934, Andecha Astur va facer otru añu más un actu n’alcordanza de Belarmino Tomás Álvarez, militante socialista que presidió’l Conseyu d’Asturies y Lleón.Una intervención política, la ofrenda d’un ramu de lloréu y la interpretación de delles pieces de gaites van formar esti actu. La tumba de Berlarmino Tomás nel cementeriu de Pando (Llangréu) ye’l llugar nel qu’homenaxeen el martes 12 d’ochobre a les 13 hores al dirixente socialista.
Al actu va asistir Rafael Fernández Tomás, nietu del homenaxeáu y fundador en Méxicu del Partíu Socialista de los Trabayadores, formación cola qu’algamó ser diputáu federal.
Fonte: asturies.com

Bloque por Asturies critica al Conseyu de Gobiernu por suprimir puestos de trabayu

Bloque por Asturies denunció públicamente que l'amortización de los 17 puestos de trabayu de personal fixu y eventual de les piscines de Pénjamo y Riañu (Llangréu) ye una midida acordada pol Conseyu de Gobiernu.
El voceru del Bloque, Rafael Palacios, dio cuenta esti xueves en declaraciones a Europa Press d'un documentu de la Conseyería de Cultura y Deportes, nel que se reflexa que la midida aprobóse nel Conseyu de Gobiernu, formáu polos conseyeros del Partíu Socialista y Izquierda Unida-Los Verdes, del 4 d'agostu pasáu.

El responsable del Bloque calcó en que'l Conseyu de Gobiernu ta formáu por representantes de les dos formaciones qu'integren l'Executivu autonómicu. Informó nesti sen dempués de protagonizar una rueda prensa, xunto col diputáu de la formación, Roberto Colunga, pa criticar la situación que vive la plantiya d'ambos centros deportivos.

Na mesma, alertó que'l zarru de les piscines podría afectar a tolos trabayadores, lo que se contradiría colo señalao dende l'Alministración autonómica, que prometió la reubicación polo menos de los cinco empleaos fixos.
Fuente: asturies.com

Día de la mocedá revolucionario 2010

Los prósimos vienres y sábadu, 15 y 16 dóchobre respeutivamente, cellebrase en Xixón el programa correspondiente al IX conciertu "Asturies nun escaez".
A pesar de ser lo más conocíu, non hay solu conciertu, por eso ye perimportante acudir a too lo que propon Darréu.
Equi vos dexamos el programa enteru:
Vienres 15 d'Ochobre: Cellebrarase una interesante charra de calter históricu por Antón Martínez y tol asistente, podrá acompañase d'un documental proyectau col títulu "Ochobre 34 memories d'un país". Esti día sedrá l'alcuentru internacionalista (Too esto nel llar L'Ayalga, Xixón).
El sábadu 16 d'Ochobre: emtama el día de la mena más animada, Darréu orixinalmente organiza unos xuegos tradicionales nel "Pueblu d'Asturies" de la Feria Muestres de Xixón a partir de les 11:30H. Una vegada finaos los xuegos, reponer fuercies na Xinta Popular a les 14:00H nel Llar L'Ayalga.
Dempués de la Xinta, llámase a toxs a participar nel actu homenaxe a los revolucionarios asturianos delantre la casa conceyu de xixón a les 19:00H.
Y pa finar el día de la mayor mena, conciertazu a partir de les 21:00H. nel pabellón d'Asturies na Feria Muestres de Xixón. Nel conciertu participen los grupos: GATILLAZO,KOP,ESCUELA DE ODIO,I.R.A (grupu ganador del I concursu "Sones de revolución").
La entrada son 16 euros anticipada, y 18 en taquilla. Los precios dientru'l conciertu, sedrán populares.
Nun se pue faltar.

¡Asturies Esconsona colos mineros de la marcha!

Pronunciar la pallabra mineros, güei, ye facer un viaxe emocional a la situación que viven los mineros de L.laciana y d’El Bierzu. Mineros que tres dexar los güeyos, los riñones, el llombu y los pulmones no fondero’l furacu la mina, reciben l’agradecimientu de ser despoxáos de la so dignidá, el so sueldu y el so sustentu por desmesuráu que pudiere ser respeutu al trabayu que realicen.
Too esto entama, pola mala xestión de la patronal de les mines y los sos alcuerdos col gobiernu, esto provoca l’atrasu nel pagu de polo menos dos centenares de sueldos. Al menos los dos centenares citaos queden sin un mínimu pa ponei a les sos families un platu na mesa.
Como rempuesta a esta situación insostenible, esti grupu de trabayadores, con un valor impresionante, pretenden entamar lo que podría nomase la "Segunda Marcha Negra" emulando lo asocedío en 1992, asemeyandose dambos fechos. Entamará güei martes, 21 de setiembre, dende la capital del Valle de L.laciana.
Si too saliera tal cual ta plantegáu, llegaríen a Ponferrada'l xueves 23, onde esperalos una multitú de xente que sofita esta causa, y tendrá llugar una manifestación esperemos de gran estensión.
Pero la xornada continua, dende Ponferrada dirán a Llión, llegando ellí'l miércoles 29 de setiembre. Siendo coincidente esta fecha col día impuestu pala fuelga xeneral a nivel estatal y non solo esto, sinon que tien de cellebrase esi día una reunión en Bruseles, na que se decide si s'apreba o refuga'l Decretu que permitirá inyectar dineru pa la producción de carbón del Estáu y qu'esti carbón seya quemáu nes térmiques pa producir electricidá.
Dempués de toos estos duros díes, tienen pernidio que si nun se llega a un alcuerdu el 29 de setiembre, continuarán la marcha fasta Madrí.
Poro, dende Asturies esconsona, queremos ufrir tol nuesu apoyu a estos trabayadores de un valor incalculable, tol nuesu sofitu, y toles nueses fuercies pa emburriar caún de los músculos que se ponen en marcha non solo dende güei, sinón dende hai una llarga temporada.

Artículu "Democracia p'Asturies: Una iniciativa pa toxs y por toxs"

 Por Xosé A. Gonzalez

Muncho se vien falándo estes selmanes de lo asocedío alredor l'ochu setiembre. La xente, nel so llibre drechu d'opinar cunta que si una convocatoria yera meyor qu'otra, que yeren de calter estremáu, que l'asistencia foi meyor o peor y delles impresiones más. Diéronse valoraciones y comparances de toa triba, siempres inevitables y lóxiques nel clima d'alderique y reflexón que se vién viviendo dientru'l nacionalismu d'izquierda. Lo ciertu ye qu'esti ochu de setiembre hebo ciertu ambiente de construir, de dar pasos alantre, y poca xente faló d'estancamientu, prestaren o non les convocatories.

Fuera d'ello, con unes selmanes pasaes d'esa data, siempres sinificativa pa los qu'andamos nesti mundín tan pequeñu qu'a vegaes creemos grande, lo ciertu ye que l'alderique sigue siendo'l mesmu, el de la pernomada xuntaza. Xuntanza razonatible, necesaria y que ye normal que tea xenerando tanta espectación. Son los partíos los que tienen que facer d'esi alderique dalgo granible, y tienen que tomar les sos soberanes decisiones dientru los sos muérganos de decisión, eso si, siempres valorando lo que diz l'asturianu esmolecíu pola situación del país. Pero fuera d'esta dinámica, que'l tiempu dirá si positiva o negativa'l soberanismu asturianu tien de medrar dende los sos pegoyos, ello ye, enanchando cadarmes abiertes, ciudadanes y de vindicación nacional y social, empobinaes a construir texíu social.

Una d'eses cadarmes de les que falo, qu'apaeció nel mes de xunetu d'esti mesmu añu ye la iniciativa " Democracia p'Asturies/Democracy for Asturies". Una iniciativa qu'entamó desenrrollando la so actividá pa denunciar la situación predemocrática que carez el nuesu pueblu nel tarrén internacional, pero qu'evolucionó y se vió con fuercies pa facelu tamién nel planu nacional. Como tol mundiu sabe, esti pasáu 8 setiembre la plataforma ciudadana convocó una manifestación n'Uviéu de claro calter soberanista y qu'axuntó a bien de persones, saliendo alantre con bona sensación pa los ellí presentes. Bona sensación sabiendo valorar les llimitaciones de la izquierda nacional asturiana, y teniendo en cuenta que la convocatoria fízola una nueva plataforma xunitaria, que tien pocu andáu pel momentu.

Les persones qu'empobinamos esta plataforma nun queremos dexala morrer, queremos facer d'ella una ferramienta aglutinadora, abierta y xunitaria. Una ferramienta que xenere ilusión y espectatives, que trate de dar una rempuesta alternativa, de ciudadanos y ciudadanes esmolecios por algamar una Asturies que camine haza un procesu de democratización. Pero falamos d'una democracia de verdá, nunca sometía a los porgüeyos del Estáu Español, al que conocemos perbien y nun fai otru papel que'l de ser la nuesa ruina. Poro, si falamos d'un procesu de democratización nun vamos a ser hipócrites y dexar esto nuna actividá de 8 meses, 16 o 24. Si falamos de democratizar esti Pueblu y queremos camudar les coses debemos ser conscientes que'l camín ye perllargu y dificil. Y pa ello debemos tirar alantre con esta iniciativa, axuntando fuercies y deprendiendo de los erros, como non.

Asina, faigo un llamáu a toles persones que tean una sensibilidá social y nacional no que cinca a la pallabra Asturies, dende la humildá, a facer d'esta plataforma dalgo braeramente abiertu, plural y de fondu calter ciudadanu. A participar n'ella como asturianosy asturianes que somos, a aldericar nos conceyos abiertos, a organizalos espontaneamente ensín esperar a que naide los convoque y a facer país dende l'espaciu que representa " Democracia p'Asturies". A facer actividaes, desenrrollar nueves idees y facenos fuertes dende'l llema que da-y nome a esta iniciativa, pues ye cuestión de toos y toes qu'esto lleve a bon puertu. Repito, ye una opinión humilde y personal, pero pue ser una bona oportunidá p'axuntar a xente d'estremaes organizaciones, o xente ensín militancia dala y facer un bloque soberanista ciudadanu. Un bloque que respete la soberanía y diversidá de les organizaciones polítiques asturianes, pero que tamién tea'l sofitu de les mesmes, sobremanera de les qu'entá nun sofitaren publicamente la iniciativa.

Espero qu'esti artículu nun fuera mui repetitivu y aburríu pal llector, lo que nun m'estrañaría un res, pero solo quiero espeyar la necesidá de nun dexar morrer una iniciativa d'esti calter, que pue valir pa crear dinámiques xunitaries, perenriba sigles. Dinámiques qu'afonden na bas social, en crear concenxa soberanista nes cais, y consolidar un texíu cívicu coles idees clares. Y faigo una última reflexón, y ye qu'un movimientu de reconstrución nacional nun pue sofitase solo en términos eleutorales, pues estes dinámiques eleutorales tienen que tener el sofitu detrás d'un pueblu vivu, lluchador y consciente de la so realidá. Esa dinámica aglutinadora prestariame enforma que fuera representada por " Democracia p'Asturies". Por que ye un llema asumible, ye una iniciativa abierta y sobretoo porque yá esiste. Contruyamos l'alternativa ciudadana.

Movilización alternativa a CC.OO Y UXT por parte de la CSI (29 setiembre)

La Corriente Sindical d’Izquierda vien de llamar a la participación na fuelga xeneral del 29 de setiembre. Con crítiques al Gobiernu, a la Patronal y a UXT y CC.OO, la Corriente convoca una manifestación alternativa en Xixón.
Dende la CSI vienen de denunciar la situación económica y social que se ta viviendo n’Asturies y nel Estáu español. El sindicatu asturianu señala que la patronal y la banca “pretenden siguir consiguiendo los mesmos beneficios a costa del dineru públicu y del bolsu de los trabayadores”, mentantu que’l Gobiernu “impón una reforma llaboral qu’abarata y facilita’l despidu”
La conxelación y baxa de los salarios, la reducción de les pensiones, l’aumentu de la edá de xubilación a los 67 años, les condiciones llaborales y los recortes n’inversiones sociales y en sanidá, educación y servicios públicos; fueron otres de les crítiques de la Corriente Sindical d’Izquierda.
Al mesmu tiempu, la CSI critica’l llabor d’UXT y CC.OO a los que califica de “dinosaurios burocratizaos” y de tar “financiaos y sosteníos polos distintos gobiernos”. Por mor de les discrepancies colos sindicatos mayoritarios, la Corriente convoca una manifestación alternativa pal 29 en Xixón, con salida a les 13.00 de la Plaza l’Humedal.

Fonte: asturies.com

Espicha escontra la represión.

Asturies Esconsona quier espublizar nel so espaciu la información que recibió por parte de Sofitu ya que sofita plenamente l'actu que se va llevar a cabu: Una espicha escontra la represión.

Esti Sabadu 18, en plenes fiestes de San Mateo n'Uviéu, en Muerganu Antirrepresivu Popular Sofitu entama un nuevu actu col envís de siguir recaldando perres pa facer frente a la represión politico-policial que sufren los y les militantes de la izquierda soberanista d'esti país. Con ello, nos ultimos meses podemos cuntar:
-Detención por "atentáu a la autoridá" d'una moza acusada d'agredir a Tini Areces. La so madre tamién ye denunciada.
-Xuiciu escontra un policía español por agresión a un mozu independentista.
-Multes a solidarios por acudir a la carcele de Villabona a un actu solidariu colos presos politicos
-Xuiciu escontra un policía nazional español por amenaces y agresión a un mozu militante de Darréu
-Multa a una moza independentista por cantar "muncha policía, poca diversión" en Xixón.
-Multa a un mozu por portar la AS na matricula del so coche por contra de la impuesta E
-Acusación a un mozu de "ciberterrorismu"
- Detención illegal d’una independentista nun actu d’UPyD
Dende Sofitu camentamos que sólo la solidaridá de puede detener esta escalada represiva y que ye importante la implicación de toos/es. Con estos actos festivos recaldamos perres pal pagu de multes y abogaos y pa la ellaboración de campañes antirrepresives.
Sabadu 18, L'Arcu la Vieya (Cai Postigu), 20:00 hores
Por 8 euros podras degustar una amplia variedá de tapes y platos.

ENCAMENTAMOS APUNTASE ENANTES DEL VIENRES 17 NEL MAIL: sofitu@nodo50.org
LA REPRESIÓN YE UN FECHU, LA RESISTENCIA UN DERECHU
PUXA ASTURIES LLIBRE

I Sones de Revolución

Con motivu de la elleición del grupu asturianu que zarrará'l cartelu del IX festival "Asturies nun escaez", La organización de mocedá Darréu va organizar un concursu col nomatu "Sones de Revolución" col númberu primeru lo que dexa entender que non solu va cellebrase esti añu, un grupu asturianu podrá tocar con otros grupos estupendos tantu de dientru'l país comu del Estáu .Esti concursu tendrá llugar el 2 d'Ochobre nel llocal de Uviéu "I-POP"  a les 19:00H nel que podrán participar los grupos asturianos que ciñanse a unes sencilles bases que sedrán espublizaes nos prósimos díes.  
Desta mena, Darréu anuncia la cellebración del Día de la Mocedá Revolucionario 2010 los prósimos 2, 15 y 16 d'ochobre, xornada de conmemoración de la Revolución Asturiana de 1934 y de vindicación de la mocedá revolucionario qu'esta edición va volver cellebrase en Xixón onde se ficiere en 2009 tres la expulsión "de facto" del Conceyu de Llangréu.

+info: www.darreu.org

Cientos de persones fain del 8 setiembre un día de llucha y reivindicación

Les dos ciudaes más importantes del país, Uviéu y Xixón, vivieron actos xunitarios onde se pidió democracia y futuru p'Asturies.

Dos actos xunitarios aconceyaron güei a cientos de persones nes cais asturianes pa facer d'esti 8 setiembre un día de llucha y reivindicación polos derechos del pueblu asturianu y pol futuru d'Asturies. En Xixón, la "Plataforma Unitaria 8 Setiembre" convocó una concentración a les 12:30 hores na Plaza del Nautico. N'Uviéu, la plataforma ciudadana "Democracia p'Asturies" convocó'l manifestamientu del Día de la Nación Asturiana.

Los dos actos xunitarios axuntaron bien de xente nes dos ciudaes más importantes del país reivindicando y refugando los actos institucionales del "Principado".

El primer actu del día foi'l convocáu col llema "Pol futuru d'Asturies" en Xixón, que sofitaron los partíos Bloque por Asturies, UNA y Andecha Astur, les formaciones llocales d'UICA, Asturianistes por Nava, Más Corvera y S.XXI de Muros del Nalón, los sindicatos CSI y SUATEA y los coleutivos Fai! y Entemecer. L'actu entamó con retrasu cerca de la 1 de la tarde con una pieza del gaiteru Llorián García y la presentación del actu a cargu del actor Toño Caamaño, delles intervenciones y l'actuación de Mari Luz Cristobal Caunedo dieron pasu a la llectura del manifiestu consensuáu y el pieslle del actu.
N'Uviéu, a la una y media, entamaba'l manifestamientu del Día de la Nación Asturiana col llema "Democracia p'Asturies" que percorrió les cais de la capital asturiana, dende la Estación del Norte hasta delantre de Presidencia del "Principado" y que sofitó'l partíu Andecha Astur, el sindicatu Corriente Sindical d'Izquierda y la organización xuvenil independentista "Darréu". Al final de la marcha, una vocera de la plataforma ciudadana "Democracia p'Asturies" presentó l'actu políticu dando pasu a les intervenciones de voceros de les organizaciones presentes.

Fonte: http://www.infoasturies.net/

CONCIERTU 8 SETIEMBRE

 Ente los días martes 7, y miércoles 8 repartense nel chigre La Bodega2 en Villaviciosa una serie de conciertos pa "festexar" el día d'Asturies (8 Setiembre) con grupos de verdá asturianos.
D'esta mena, mañana, martes 7 de setiembre a partir de les 22:00hores tocarán los grupos: P'AMUSQUIS, LA TARRANCHA y VINAGRE DE SIDRA.
Dexando pal miércoles, día 8, la actuación del grupu ODIO VISCERAL, de 21:30 a 00:00hores.
Asina tolos asturianos que quieran pasase per elli, y cellebrar un 8 setiembre cercanu a grupos asturianos, tan convidaos a disfrutar de bona música.

El chigre ú llevase a cabu, tien la siguiente direición: Cervecería La Bodega2; Plaza El Güevu Nº:28 (Ribeseya)

 

PAS y URAS en Candás

Esti 8 de setiembre Unión Asturianista, van celebrar un actu políticu en CANDÁS y una comida de xermandía.
L’actu políticu va celebrase nel «Monumentu a la mina y a la mar», na Escalera de La Gabiana (escalera que va dende l’Ayuntamientu al puertu), en Candás, a les 13:30 horas. Dempués va haber una xinta de xermandía a partir de les 14:30 de la tarde nel Restaurante La Fonte, Avda. del Ferrocarril 4 y 8 (antigua Avda. Fernández Ladreda).
Tamién despliquen públicamente el ¿por qué non? acuden al actu impulsáu pol BA en Xixón:

Estimaos:

El PAS recibió nel so día una invitación vuestra pa una manifestación unitaria pal 8 de septiembre de 2010. Anque con reserves por delles razones, en principiu paeciónos bien, porque, como siempre pensamos, esti país necesita normalizase en munchos aspectos, ente otros, los relativos al 8 de septiembre, que debería tender a ser unitariu y políticu, como notres nacionalidaes. Per otru llau, tamos interesaos, tamién como davezu, en mantener les meyores relaciones polítiques con toles fuerces asturianes, especialmente, les del ámbitu asturianista.

Ensin embargu, nun podemos aceptar el planteamientu final pal 8 de septiembre. De mano, porque una manifestación (que tien les sos fórmules y los sos ritos) camuda n'otra cosa. En segundu llugar, porque la iniciativa dexa de tar nes manes de fuerces polítiques pa convertise nun mangaráu d'organizaciones y colectivos, toos, ensin dulda, respetables, pero que nun encaxen, al nuestru talantar, nun marcu esclusivamente políticu, como debe ser el del 8 septiembre.

Esa modificación, polo tanto, del formatu, de los asistentes, y la impresión final que, al nuestru talantar, se treslladaría a la opinión pública de "totum revolutum" y d'actu más asemeyáu a un Primeru de Mayu qu'a otra cosa, fai que tengamos que negar la nuestra presencia con vosotros pa esa fecha. Pa la vuestra información, vamos caltener, pol contrariu, la otra parte los actos que teníamos previstos pa esa fecha, los que faremos con la URAS, colos que tenemos, como se sabe, firmáu un pactu hai tiempu.

Deseámosvos, como a tolos asturianos, un feliz día de la nación.

Valledor presente en Xixón el 8 setiembre

Segun recueye l'últimu númberu del selmanariu Les Noticies, Francisco Javier García Valledor, militante destacáu d'IU y ex Conseyeru de Xusticia y Interior va tar presente na concentración de Xixón. Valledor camienta que "esti añu ye la primer vez dientro del asturianismu qu'hai una voluntá de xuntura, tanto de partíos como de persones independientes, dalgo que va ser perimportante pa esti Día d'Asturies" y fala de la necesidá de llograr un proyeutu "lo más ampliu, diversu y plural posible".
Valledor, postuláu por dellos medios como candidatu d'una hipotética candidatura conxunta asturianista proyeutu, afirma que ye perimportante que les fuercies polítiques entamen a falar p'algamar una candidatura xunitaria pal 2011. "Dientro de les cuestiones de les que tendrán que falar ta la de quién ye'l candidatu, pero a min paezme que nesti momentu soi absolutamente secundariu", declara a Les Noticies l'ex-parllamentariu na Xunta Xeneral, hasta la so dimisión por discrepancies.
Señala Valledor que "tovía" milita n'IU onde  hai "muncha xente ta farto de la dirección y de la estratexa política, onde dalgunos se tan agarrando al poder" que en dalgún momentu tendrán que dicidir que facer, "nun se si será enantes o dempués de les elecciones, pero hai xente que tien posibilidaes de formar parte d'un proyeutu políticu nuevu n'Asturies" desplica.

Fai! amestase a la convocatoria de la " Plataforma Unitaria 8-S"

Fai! espublizó la siguiente noticia: 
La organización d'esquierda soberanista quier asoleyar públicamente'l so sofitu a la convocatoria entamada pola "Plataforma Unitaria 8S" como día de rempuesta al cuadonguismu españolista impuestu, a la negación de los derechos coleutivos del pueblu asturianu y al retrocesu social y esfarrape medioambiental que siguimos careciendo metanes de la crisis capitalista.

Comunicáu de prensa completu:

Énte la llegada d'otru 8S y les dinámiques que nelli se xeneren l'Asamblea Xeneral de Fai! quier espresar lo viniente:

1) Fai! valora positivamente la constitución d'una plataforma plural y abierta a los coleutivos dende la que coordinar unos actos de rempuesta a la situación predemocrática que carez el pueblu asturianu, espeyada nunos festexos patronales -que non nacionales- españolizantes que faen escarniu de la nuesa identidá.

2) Fai!, qu'históricamente vien calteniendo una postura d'oposición a la consideranza del 8 de setiembre como presuntu "día nacional asturianu", atopando esta data como'l día de "La Santina" y nel que la identidá asturiana nin ye homenaxeada nin cellebrada, sí entiende que la festividá institucional ufre un marcu afayadizu pa salir a les cais y refugar dende elles la situación nefasta nel tarrén nacional, socioeconómicu y ambiental na que s'atopa esta nación milenaria. Si, amás, la convocatoria nun afonda nel 8S como día nacional y el marcu ye d'entendimientu ente les estremaes organizaciones de la esquierda soberanista asturiana la cita fáise obligatoria, como manera de zarrar files énte la sociedá dientro d'esti espaciu ideolóxicu.

3) Fai!, al tiempu, quier facer un llamáu a les organizaciones de la esquierda soberanista a entamar y participar n'espacios como'l de la "Plataforma Unitaria 8S" que tean empobinaos a les cellebraciones conxuntes y unitaries del 25 de mayu de 2011 como día nacional asturianu, una data que representa la soberanía popular asturiana y onde se fai cellebración de la creación de la bandera d'Asturies y del Exércitu Defensivu Asturianu, qu'amás foi reivindicada históricamente pol soberanismu asturianu nos años 70.

I XUNTANZA DE MÚSICOS ASTURES

Los días 10 y 11 de setiembre nel prau de Tereñes, onde ta habilitada una zona d'acampada, repartense un gran númberu de actuaciones musicales, estes sí, asturianes y con raigañu.
El vienres, día 10, a partir de les cinco de la tardi, toquen los grupos
-TXM
-ENTROPIA
-MALVASEDA
-MINORÍA AGRESIVA
-KURSK
-RED LINE
-KUARENTENA
-GOMERU
Y el domingu, día 11, a partir de les cuatru la tardi:
- CRITICAL
-UNO MAS UNO
-GRISU
-G-RIDDAZ+13 PALABRAS
-K T GRAPO
-ZURDHA
-ANYWHERE
-MEZA
-VINAGRE DE SIDRA
-OFFICER DOWN
Emtama la asociacion xuvenil ENTAINA.

8 Setiembre.

Los promotores de la iniciativa ciudadana “Democracy for Asturies / Democracia p’Asturies” quieren facer, al traviés d’esti comunicáu, un llamamientu públicu a la sociedá asturiana, en xeneral, y a los militantes y simpatizantes de la izquierda nacionaliega, en particular, a participar nel manifestamientu xunitariu que convocamos, precisamente baxo’l lema “Democracia p’Asturies”, pal prósimu 8 de setiembre.
Camienten que pa esa fecha tan señalada, el Día de la Nación Asturiana, ye imprescindible la convocatoria d’esta movilización, col enfotu de facer del mesmu un díi de reivindicación nacional y social y de denunciar la situación pre-democrática que carez Asturies. El manifestamientu ta convocáu pa les 13’00 hores con salía de la Estación del Norte (Uviéu) y yá cunta con varios sofitos.
“ Democracia p’Asturies” ye una iniciativa ciudadana que ñació nel mes de xunetu del presente añu, que ta promovía por militantes de la izquierda nacionaliega asturiana y encadarmada alrodiu del “Manifiestu pola consecución d’una democracia plena p’Asturies: Democracia p’Asturies”, col que se quieren algamar dos oxetivos: per un llau, axuntar les estremaes sensibilidaes de la izquierda nacionaliega asturiana y, per otru, dar a conocer fuera de les nueses llendes la yá citada situación pre-democrática que carez el nuesu país. Anguañu, la iniciativa cunta col sofitu de más de 35 organizaciones polítiques, sindicales, sociales y culturales y cientos d’adhesiones individuales de toa Europa.

El Seminariu de Filoloxía entama un Congresu sobre llendes llingüistiques

El grupu d'investigación Seminariu de Filoloxía Asturiana de la Universidá d'Uviéu entama un Congresu que, baxo'l títulu «Ciencia, llingua y fronteres», va celebrase los díes 5 y 6 d'ochobre del 2010 na Facultá de Filoloxía d'Uviéu.
"¿Tien sentíu'l conceptu de llingua (o dialectu)?”, “¿Cómo se conciben les fronteres ente llingües (o ente dialectos)?”, son dalgunes de les entrugues presentaes nel programa del Congresu y sobre les que se va aldericar. L’oxetivu ye reflexonar de problemes sobre llingüística, una ciencia que “de siempre, tien enfrentáose al problema de clasificar y tipificar la diversidá llingüística mundial”, esplica’l citáu programa.
Nesti debate van participar especialistes asturianos, españoles y europeos en Llingüística Xeneral, en Romanística, en Dialectoloxía Hispánica, Gallego-Portuguesa y Asturlleonesa. Amás, destaca tamién el Congresu pola presencia de xente esperto en Filosofía del Llinguaxe, Antropoloxía o Biología, disciplines “que comparten delles de les esmoliciones alredor del conceptu de tipu y frontera”, según la organización.
Inscripciones
La inscripción nesti Congresu “Ciencia, llingua y fronteres” tiene un preciu de 10 euros y hai que facela enantes del 4 de setiembre. Les persones inscrites van recibir un certificáu d’asistencia.


Fonte: asturies.com

Plataforma 8 de setiembre

Xixón acoyerá esti 8 de setiembre los actos de la Plataforma 8-S, qu'axunta a dellos colectivos políticos, sindicales y ciudadanos y que quier dar una respuesta a los actos oficiales. Bloque por Asturies y UNA son delles de les organizaciones que sofiten l'actu.
Depués de delles reuniones durante esti branu nes que foron perfilándose los detalles, delles organizaciones y colectivos apautaron una convocatoria conxunta pa dar una respuesta a los actos oficiales que'l gobiernu asturianu entama en Ribeseya.
La idea de la convocatoria "ye dar una rempuesta coordinada y lo más unitaria posible énte'l modelu d'Asturies que'l gobiernu asturianu celebrará el próximu 8 de setiembre, que se basa na negación de la capacidá d'Asturies p'autogobernase, na negación de la capacidá del país pa salir de la crisis, y la negación  la capacidá d'Asturies para salir de la crisis económica y na negación y el despreciu de la nuestra cultura y  la nuestra historia".

La Plataforma pretende axuntar al mayor númberu de colectivos políticos, sociales y ciudadanos pa dar un mensaxe reivindicativu y críticu, con una llamada a la construcción "d'un nuevu discursu y una nueva práctica basada nes posibilidaes de la sociedá asturiana que permita a Asturies sobreponese al actual modelu gris que lleva a la desconfianza nes capacidaes propies".

El formatu de la convocatoria faise cola mayor flexibilidá posible pa fomentar la participación, polo que los convocantes esperen a lo llargo d'esta selmana dir recibiendo apoyos. Bloque por Asturies y UNA  ya confirmaron la so participación y espérase que se vayan conociendo a lo llargo d'esta selmana más apoyos de partíos, sindicatos y colectivos.

El lema escoyíu pa la convocatoria ye "Pol futuru de Asturies" que pretende ser una llamada en positivo al optimismu, a la recuperación de la autoestima y a la defensa de la identidá, cultura y mediu ambiente d'Asturies.


Fonte:asturies.com

Fala Non Caduca

Esti añu cellebrarase la novena edición del festival Pueyes Rock, eventu que dende 2001 vien desarrollándose na parroquia maliaya de Pueyes a finales de septiembre.
Podemos confirmar la presencia de FALA NON CADUCA nel eventu.

Sábadu 28 d'agostu

Andecha Astur va cellebrar esti día 28 un actu n’alcordanza de la soberanía del Conseyu d’Asturies y Lleón. Los nacionalistes tamién se posicionaron sobre’l 8 setiembre al calificar de “perpositiva” la convocatoria de Democracia p’Asturies.
El Puertu Tarna ye’l llugar nel qu’Andecha Astur va conmemorar el 73 cabudañu de la declaración de soberanía del Conseyu d’Asturies y Lleón. Esti actu fízose dellos años en Xixón, onde s’asitiaba la sede del gobiernu soberanu, pero los organizadores consideren que Tarna ye “otru llugar simbólicu, nesti casu pola resistencia contra’l facismu”.
Con una llínia d’autocar que va pasar per Xixón, Noreña y Llangréu, a partir de les diez y media la mañana del sábadu 28 va entamar un percorríu peles llínies defensives p’acabar cola ascensión al picu Abedular. L’actu va dar fin a les 14 hores cola intervención política de voceros d’Andecha y Darréu y una espicha popular.
Fonte:asturies.com

Contraconciertu día d'Asturies

La xente mozo ta ablucá colo que va tener llugar na cellebración del 8 de setiembre, por ello los mozos de Vinagre de Sidra ente otros organicen el contraconciertu en Ribeseya. Nel participarán grupos asturianos de los cuales algunos ya tan zarraos, ente ellos VINAGRE DE SIDRA, K T GRAPO Y RED LINE.
Prestariayos tamién, comu a toes y toos creo yo, que tini mos desplicara el fin de gastar esa salvaxe cantidá de dinero en grupos que nada tienen que ver con Asturies. 
Tol nuesu apoyu rapaces.
Días 10 y 11 Setiembre.

CONCIERTU DIA 27 A PARTIR DE LES 12:00 LA NUECHE

Baiña cellebra un añu más el so festival tradicional de música folk asturiana, coincidiendo coles sos fiestes n' honor a San Bartolomé. El festival que podría describise celta, cellebra la so undécima edición, emtamará'l prósimu viernes, día 27, fasta el martes, día 31. La hermandad de San Bartolomé y la concejalía de Cultura de Mieres son los encargaos de la organización de una de les fiestes más característiques del municipiu, qu' esti añu cellebra'l so 60 aniversariu.

Destacase la participación de numerosos grupos conocios nel festival de música folk asturiana, que será el punto de partida de los festejos. 

Les formaciones «Macadamia», «Asturiana Mining Company» y los «Ciquitrinos» participarán nel eventu xunto a la gran atracción, «Spanta la Xente», que sedrá'l platu fuerte la velada.

Aportar a Baiña sedrá fácil, l'ayuntamientu facilitará autobuses que saldrán dende el Liceo, pa toes y toos  aquellos interesaos en dir.

Conceyu abiertu Democracy for Asturies

La iniciativa ciudadana " Democracia p'Asturies" llama a participar a tolxs ciudadanxs que tean interesaos a un conceyu abiertu esti vienres 27 d'agostu na Casa de la Cultura de Sama de Llangréu. El conceyu abiertu sedrá a magar de les 19:00 hores nel aula 1 de la mesma. La Casa de la Cultura Escueles Dorado s'asitia na Cai Dorado.

Tiempu de povisa

La banda de rock n’asturianu Falanoncaduca ta acabantes d’entrar nos estudios ACME d’Avilés pa grabar ‘Tiempu de povisa’, el so debú discográficu.
Baxo la producción de Miguel Herrero y la edición d’Algamar Producciones, esti trabayu va tar formáu por un total de trece cantares nos que la moza formación afita’l ‘Mecigayu son’, etiqueta qu’autodefine’l so eclécticu estilu musical.

Rock, Ska, Surf, Reggae, Folk… son dalgunos de los soníos presentes en ‘Tiempu de povisa’, discu que va ser una carta de presentación de llarga duración y, a la par, una muestra de la evolución de Falanoncaduca a lo llargo de los sos tres años de trayectoria.

‘L’aldaba’, ‘Sáca-yos la llingua’, ‘Progresa adecuadamente’, ‘La so galbana’, ‘Ánxeles de la guardia’, ‘Pola Carretera’, ‘La flor del agua’, ‘En clave americana’, ‘F.E.P’, ‘A les rexes d’una cárcele’, ‘Puxarra’ y ‘Sele sound system’ son los trece cantares del discu. No cincante a les lletres, con abondes esbilles d’estremaes obres lliteraries asturianes, la banda caltién el tonu reivindicativu; sicasí hai tamién testos con temes y tonos más desenfadaos y irónicos.
 
Señalar tamién que ‘Tiempu de povisa’ va salir a la cai con llicencia llibre Creative Commons, daqué polo que puxen cada vez más grupos asturianos al non compartir la política de la SGAE.

Fonte: asturies.com

Tamos seguros que sedrá un gran trabayu. Tol apoyu pa estos mozos que son una promesa na música asturiana. 

ROCKBLON FEST

El sábadu 21 d'Agostu, a les 20:00H, cellebrase en Granda (Sieru) el Rockblon Fest 2010.
N'esti festival participarán grupos asturianos comu :

-alvarito y su guitarra ( rock pola sieru )

- bonestorn ( alternativa metal sieru- noreña)

- las maracas d`machin ( punk- hardcore con gaita dende aviles )

- bristol bulldogs ( llangeru - xixon versiones de cocksparrer)

- IRA ( noreña- llangreu ) asturies hardcore rapartiendo pana

- mnr crew ( real hip hop dende asturies ) movimientu mundial
Esto a partir de les 20:00H.
Pero nun ye lo únicu, va llevase a cabu la actividá d'un mural o grafitti a partir de les 16.00 la tardi.
Too esto ta emtamau pola asociación xuvenil de granda y sofitao por Darreu y Nora Antifa.
Nun vos escaecer del eventu.

Nuevu actu represivu de la policía española

Según denuncién testigos presenciales, el pasau domingu 15 d’Agostu, tres la celebración del actu institucional taurín de Xixón dellos asistentes pro-taurinos a dicho actu acercaronse a unos mozos qu’hores enantes acudieron a la xuntanza antitaurina y que quedaron na cai charrando. Al identificalos entamaron a insultar y amenazar a los mozos. Los mozos retrucaron con consignes y glayíos ante la pasividá policial.


Una moza que s’atopaba nun chigre cercanu y s’averó a ver lo que pasaba foi agredía por un policía con un emburrión ya increpada pol policía español.Darréu, la policía española identificó y multó a los 6 mozos que foron insultaos y a la moza que s’acercó a ver lo qu’asocedía arriendes d’identificar a más persones que s’acercarón al barullu. Nengún pro-taurín, pese a insultar y amenazar, foi identificáu o multáu.

Recordamos qu’el xefe de la brigada d’información de la policía española de Xixón obstenta’l cargu de delegáu na “Plaza de Toros El Bibio” y ayeri arengaba a los sos axentes enantes d’entamar la corrida a quiénes teníen que controlar y a quien non.

Esto ye una preba mas de la situacíon predemocratica na que nos atopamos los asturianos que, como en tiempos de la dictadura, una elite de burgueses, paletos, torturadores y españolistes aculturizadores col sofitu economicu del ayuntamientu de Xixón y la protección de la policía, tomen les cais del nuesu país pa facer y desfacer a gustu.

Fonte: Aruelu.com

Dellos cientos de persones protesten contra la feria taurina en Xixón

La idega d'una iniciativa llexislativa popular garra fuercia.

Dellos cientos de persones manifestáronse ayeri en Xixón coincidiendo cola xornada cabera de la edición d'esti añu de la Feria taurina de Begoña. Un añu más l'asociación Anadel convocó un actu antitaurín que foi sofitáu por organizaciones de la izquierda asturiana y coleutivos animalistes, sociales y culturales.

La vocera d'Anadel, Elena López, valoró positivamente l'actu yá que "vieno muncha xente pa demostrar que los asturianos tamos contra los toros" anunciando que se ta plantegando llevar a la Xunta Xeneral una inciativa llexislativa popular que prohiba los toros n'Asturies.

Con un fuerte despliegue de la Policía española qu'acordonó la plaza desendolcóse la protesta antitaurina. Hebo momentos de tensión ensin que se produxeren incidentes. Nesta protesta antituarina coincidieron les organizaciones polítiques d'izquierda soeranista. Asina Andecha Astur, Bloque por Asturies, Unidá Nacionalista Asturiana, Darréu y Fai! tovieron presentes.

Fonte: Infoasturies

Manifestacion 8 de setiembre

Democracia p’Asturies convoca una manifestamientu xunitariu’l Día de la Nación Asturiana (Noticia de http://www.infoasturies.net/ )

La iniciativa Democracia p’Asturies que cuenta col sofitu, fasta la fecha, de más de 30 organizaciones y cientos d‘adhesiones individuales vien de convocar públicamente un manifestamientu pa esti prósimu 8 de setiembre, Día de la Nación Asturiana, baxo’l lema Democracia p’Asturies. Los promotores de la iniciativa consideren “qu’esti ye’l momentu afayaizu pa puxar por convocatories xunitaries lo más amplies posibles pero ensin rebaxar plantegamientos que nos puean llevar a postures seudorexonalistes”. Nesi sen camienten que “ye imprescindible la movilización del 8 de setiembre como Día de la Nación Asturiana, teniendo en cuenta necesariamente, qu’esti tien de ser un dia de reivindicación social y nacional.

Asina mesmo entienden “como positivo que la convocatoria baxo esti lema yá consiguió n’otros momentos movilizaciones xunitaries pa esti día y que l’actual situación d’Asturies requier recuperar esi espaciu xunitariu y esa desixencia democrática".
Poro, la plataforma Democracia p’Asturies invita a toles organizaciones, coleutivos o movimientos sociales y al conxuntu la sociedá asturiana en xeneral, a que faigan suya la convocatoria baxo la desixencia común de democracia p’Asturies y se movilicen baxo esti lema el Día la Nación Asturiana “cola altura mires y xenerosidá necesaria pa superar les llexítimes diferencies esistentes ente les formaciones polítiques que se mueven nel tarrén de la vindicación nacional n’Asturies.”

+info: http://www.infoasturies.net/

Darréu espresa'l so descontentu énte l'estudiu del Institutu Asturianu d'Estadística

La organización xuvenil Darréu vien d'amosar una nota prensa valorando los datos asoleyaos pel Institutu Asturianu d’Estadística asitiando la perdida decuasi 82.000 los mozos y moces qu’Asturies dende 1991. Pa Darréu los datos amuesen ensin dulda "lo que dende la nuesa organización, y tolos coleutivos políticos y sociales non entreguistes llevamos denunciando dende va años. El fenómenu d’emigración forciada sigue medrando y la crisis permanente que vive Asturies nun dexa otra a lxs más xóvenes que colar del so país a la gueta d’una vida con más oportunidaes y menos precariedá".

Dende los años 80, esplica Darréu, coleutivos políticos, "sobremanera del ámbetu soberanista, lleven denunciando esta murnia realidá énte la sociedá asturiano, munches vegaes acusaos de catastrofistes. Güei vemos que los catastrofistes teníen y tenemos razón".

La organización independentista responsabiliza "a los gobiernos centraliegos de PSOE y PP, colos sos cómplices" de ser culpables d’esta situación "llaceriosa" . "Nun podemos escaecer que la estratexa pela so parte ye nidiamente consciente ya intencionada, cola fin de desactivar a la mocedá, principal fuercia de tresformación social y conderga al país a una situación de inmovilismu ensin precedentes" alvierte Darréu que camienta que "los políticos asturianos tienen de tar pa defender los intereses d’Asturies, non pa vender cuasi de baldre la nuesa fuercia de trabayu, sobremanera la meyor formada".

Darréu entiende qu’esta situación yera "predecible", yá que "un país qu’arrecostina una crisis social y económica nun pue optar a otra cosa qu’a la precariedá y la emigración". Pa la organización moza, Asturies nun pue protexese por si mesma "mentantu tea nesti procesu de desindustrialización y privatización, el mesmu que ta enllenando de dineru a la oligarquía y los políticos que malgobiernen el país". Poro, Darréu camienta que la meyor manera de finar cola situación "d’entreguismu y emigración que carecemos" ye la "desobediencia civil" contra "l’Estáu Español y los políticos que lu representen n’Asturies".

Dende la organización de mocedá independentista revolucionario, llamen a los y les xóvenes a "combatir" esti procesu, amosar el so refugu "al sistema lliberal qu’afuega esti pueblu" y a "organizase pa entamar un procesu d’activación social, en clave soberanista y socialista que fine con estos atropellos a la mocedá asturiano".
"Namái faciéndonos respetar como xóvenes conscientes y activos, podremos finar con esta situación de destierru y venta d’Asturies al capitalismu en crisis", finen.

Fonte: infoasturies.net

Concentracion antitaurina

Dende va años (dende que tenemos usu razón, yo creo) dalgunes presones dímonos cuenta de la barbaridá que ye acudir a una plaza toros. Pa un neñu, ver como un paisano con un "traxe que brilla" mata cruelmente a un animal, demientres los espectadores aplauden y sienten argullu de que tal espectáculu seya cultura, tien de ser duru y desagradable. En cambiu, los que acuden a la plaza (voluntariamente,matizo ya que non tolos seres vivos elli presentes puen dicir lo mesmu) ven l'actu comu una cosa ñatural. Non solu son xente ensin escrúpulos y xente que se siente más importante o poderosa por comprar una entrada pa una escena cruel onde'l toreru cumple prauticamente tolos sos deseyos y fina por matar a un probe ser vivu, que debería tener una muerte digna y sofriendo lo menos posible.
A mi el términu "tradición cultural" provócame la risiotada. Podríemos dar un exemplu bastante acertau na mia opinión, el circu romanu, nel cual combatíen un home y un llión a vida o muerte, aquello si, yera tradición, pero yera tradición y tamién una escena amoral, y  por ello güei nun sigue cellebrándose tal salvaxada.
Otros dirán que'l toru vive perbien los años de crianza, y al final, va morrer igual, qué mas da de una manera u otra, y non señores, el ser humanu en munxes ocasiones acoye o merca mascotes doméstiques, que de igual manera son trataos con cariño y tienen una vida de tranquilida y bienestar durante la crianza. Esa mascota en dalgún momentu dexará de respirar, y non por ello aceleramos el procesu demientras atopase perfeutamente nin somos crueles con ellos, sinón que procuramos que tea la muerte más tranquila posible. La carne de toru tien fines productivos, y mientras asina seya, nun sobren los toros, sobren los toreros.
Por eso, güei queremos el nuesu país llibre de tortura. ASTURIES ANTITAURINA

ESTI DOMINGU, 15 D'AGOSTU A LES 17.30H EMTAMA ANADEL UNA CONCENTRACIÓN CONTRA LA TORTURA. ASPERO QUE MOS VEAMOS ELLI.

Agresiones en L.luarca

Dende va tiempu ya, mozos y moces de L.luarca sofren agresiones, reciben insutos y amenaces por parte los faciestes. Fartos ya d'esta situación, la mocedá fai un llamamientu a tola esquierda en xeneral. El prósimu martes 17 d'agostu  a partir de les 12 la nueche actuará el grupu de folk-rock asturianu "Dixebra" ya comu teloneros el grupu del occidente asturianu "A-Sekas" nel parque L.luarca (Valdés).
Apoyamos dende equi a estos rapaces y pidimos la máxima asistencia. 
Denguna agresión ensin rempuesta.

Folixa solidaria

Esti vienres, 13 d'agostu a les 19:00H, cellebrase en xixón la Folixa Solidaria pal pagu de multes, siendo esti eventu emtamau por Sofitu.
Precios populares pa tolos interesaos en dir. Acudí tolos que podais, estos eventos siguen siendo necesarios.

Asturies Esconsona

Bones a toes y toos.
Güei miércoles 11 d'Agostu, presentase y faise públicu esti nuevu espaciu. Nel va caltenese informau a tol usuariu qu'acceda y tea interesau nes noticies que van socediendo n'Asturies, y quién quiera podrá unviar ya espublizar información.
El correu col que podreis contautar ye asturiesesconsona@gmail.com
Munxes gracies a toxs.